நிகழ்வுகள்

இலங்கையின் மூத்த கவிஞரும் ஸ்ரீலங்கா முஸ்லிம் காங்கிரஸின் ஸ்தாபகர்களில் ஒருவருமான (மூத்த துணைத்தலைவர்) லங்கா திலகம் - புலவர் நாயகம் மருதூர்க்கனியின் மூன்று நூல்களின் வெளியீட்டு விழா  எதிர்வரும்  15-03-2014  ஆம்  திகதி சனிக்கிழமை மாலை 4  மணிக்கு மெல்பனில் Mulgrave CCTC கேட்போர் கூடம் (44- 60 Jacksons Road, Mulgrave. - Melway: 80k3) மண்டபத்தில் நடைபெறும்.
வெளியிடப்படும்  நூல்கள்:

* மருதூர்க்கனி  கவிதைகள்
* சந்தனப்பெட்டகமும்  கிலாபத்  கப்பலும்
* என்னை  நீங்கள்  மன்னிக்கவேண்டும்.

நூல்களின் வெளியீட்டிலும் அதனைத்தொடர்ந்து இடம்பெறும் இராப்போசன விருந்திலும் கலந்து சிறப்பிக்குமாறு தமிழ் இலக்கிய சுவைஞர்கள் அனைவரும் அன்புடன் அழைக்கப்படுகின்றனர்.

அறிவிப்பு ஒன்று: பாலு மகேந்திரா - திரைப்படங்கள் திரையிடல்.

நாள்: 01-03-2014, சனிக்கிழமை, காலை 11 மணிக்கு (சரியாக 11 மணிக்கு திரையிடல் தொடங்கிவிடும்)
இடம்: பிரசாத் பிலிம் & டி.வி. அகடெமி, சாலிக்ராமம் (பிரசாத் லேப் Preview திரையரங்கம் இல்லை, பிரசாத் கல்லூரியில் உள்ள சிறிய திரையரங்கம்) தொடர்புக்கு: 9578780400
திரையிடப்படும் படங்கள்: அழியாத கோலங்கள், வீடு, சந்தியா ராகம்.

அறிவிப்பு இரண்டு:  படிமை - திரைப்பட பயிற்சி வகுப்பு - மாணவர் சேர்க்கை

முழுவேகத்தில், உலகத் தரமான பாடத்திட்டத்தோடு படிமை திரைப்பட பயிற்சி இயக்கத்தை மார்ச் மாதம் முதல் தொடங்கவிருக்கிறது தமிழ் ஸ்டுடியோ. இடையில் மார்ச் முதல் வாரத்தில் தியடோர் பாஸ்கரன் அவர்கள் படிமை மாணவர்களோடு உரையாடுகிறார். இன்னமும் ஐந்து மாணவர்கள் இதில் இணைந்துக் கொள்ளலாம். பாலு மகேந்திராவின் சினிமாப் பட்டறை மூடப்படுமாயின், அதில் இதுவரை பயின்று வந்த மாணவர்களையும் இந்த பயிற்சி இயக்கத்தில் சேருமாறு அழைப்பு விடுக்கிறேன். வணிக சினிமா, வெகுஜன சினிமா, கலைப் படங்கள் என்கிற போலிக் கற்பிதங்களை தாண்டி, எது சினிமா என்கிற உண்மையை உங்களுக்குள்ளிருந்தே உணரும் இடமாக இந்த பயிற்சி இயக்கம் அமையும்.

வணக்கம். மகாஜனாக் கல்லூரி பழைய மாணவர் சங்கக் கனடா கிளையின் வெள்ளி விழாவை முன்னிட்டு கனடிய தமிழ் மாணவர்களுக்கான போட்டிகள் நடத்த முன் வந்திருக்கின்றோம். தமிழ் மொழியை இந்த மண்ணில் வளர்த்து அடுத்த தலை முறையினரைத் தமிழர்களாக வாழ வைக்க வேண்டும் என்ற சிறந்த நோக்கத்திற்காக தமிழ் மொழிப் போட்டி ஒன்றை முதலாம் வகுப்பு முதல் எட்டாம் வகுப்பு வரை நடத்த இருக்கின்றோம். தங்களுக்குத் தெரிந்த, தமிழில் ஆர்வமுள்ள மாணவர்களை இந்தப் போட்டியில் பங்கு பற்ற உதவுமாறு அன்புடன் வேண்டுகின்றோம். தமிழ் இசைப் போட்டியும் நடைபெற இருக்கின்றது.

24-02-2014
அன்புடையீர்   வணக்கம். எமது   அவுஸ்திரேலியா   தமிழ்  இலக்கிய  கலைச்சங்கத்தின் அனுபவப்பகிர்வு  நிகழ்ச்சி  கடந்த  23  ஆம்  திகதி  ஞாயிற்றுக்கிழமை நடைபெற்றபொழுது  வருகைதந்து  சிறப்பித்த  சங்கத்தின்   செயற்குழு உறுப்பினர்களுக்கும்   சங்கத்தின்   உறுப்பினர்கள்   மற்றும்  அன்றைய  தினம் புதிய  உறுப்பினர்களாக  இணைந்துகொண்ட  அன்பர்களுக்கும்  நிகழ்ச்சியில் உரை நிகழ்த்திய    திரு. முகுந்தராஜ்  திரு. சத்தியா  ஆகியோருக்கும்  மதிய உணவு  வழங்கி  உபசரித்த  செயற்குழு  உறுப்பினர்கள்  மற்றும்  திருமதி சாந்தினி  புவனேந்திரராஜா  அவர்கட்கும்  நன்கொடை  வழங்கிய  திருமதி பாலம்  இலக்ஷ்மணன்  அம்மையார்  அவர்கட்கும்  குறிப்பிட்ட அனுபவப்பகிர்வு  நிகழ்ச்சி  பற்றிய  செய்திகள்  வெளியிட்ட இணையத்தளங்கள்   மற்றும்    நேர்காணல்  கலந்துரையாடல்களை  நடத்திய வானொலி   நிகழ்ச்சி   தயாரிப்பாளர்களுக்கும்   அனுபவப்பகிர்வு நிகழ்ச்சிகளை   நடத்துவதற்கு  மண்டப வசதியளித்த  பிரஸ்ட்டன்  இன்றர் கல்சரல்   நிலையத்தின்  நிருவாகத்தினருக்கும்  எமது   சங்கத்தின்    மனமார்ந்த நன்றியைத்  தெரிவித்துக்கொள்கின்றோம்.

நாள்: 22.2.2014 சனிக்கிழமை மாலை 5.30 மணி  முதல் 8.00 மணி வரை |  இடம்: முத்தமிழ்ப் பேரவை, அடையாறு (திருவாவடுதுறை டி.என்.இராஜரத்தினம் அரங்கம்  (சத்யா ஸ்டுடியோ எதிரில்) |     தலைமை: திரு நல்லி குப்புசாமி அவர்கள் |  விருது வழங்கிச் சிறப்புரை: நீதிநாயகம் திரு கே.சந்துரு அவர்கள் | வாழ்த்துரை: கவிஞர் கலாப்ரியா,  திரு எஸ்.ராமகிருஷ்ணன், திரு கு.கருணாநிதி (தலைவர் எஸ்கே.பி. கல்வி நிறுவனங்கள்) | ஏற்புரை: சாகித்ய அகாதமி விருதாளர் திரு ஜோ டி குரூஸ்

தமிழ்நாட்டில்; நாட்டியம், இசை போன்ற கலைத்துறைகளில் பிரபல்யமாகப் பேசப்படும் ஸ்ரீமதி கலைமாமணி மாலதி டொமினிக் அவர்களின் பெருமுயற்சியில் ‘தமிழ்நாடு இயல், இசை, நாடக மன்றத்துடன் இன்டோ பிரிட்டிஷ் நாட்டிய, இசைவிழா அண்மையில் ஏற்பாடு செய்யப்பட்டிருந்தது. முனைவர் ருக்மணிதேவி அருண்டேல் கலையரங்கில் ஏற்பாடு செய்யப்பட்டிருந்த இவ்விழாவில் கலைமாமணி பாலமுரளிக் கிருஷ்ணா, இசையமைப்பாளர் தேனிசைத் தென்றல் தேவா, நடிகை கலைமாமணி பி.எஸ்.சச்சு போன்ற தமிழ்நாட்டின் மிகப்பெரும் பிரபல்யக் கலைஞர்களின் வருகை மிகச்சிறப்பாகவே அமைந்திருந்தது. இத்தகைய பெரும் கலைஞர்களின் மத்தியில் இடம் பெற்ற கலைநிகழ்ச்சிகளில் இலங்கையில் கலைக்குடும்பத்தில் பிறந்த ‘நாட்டியக் கலாஜோதி’ செல்வி பார்கவி பரதன் தனது அனுபவம் மிக்க நர்த்தகி போன்ற பாவங்கள், ஜாலங்களால்; இந்தியக் கலைஞர்களின் பெரும் பாராட்டைப் பெற்றிருந்தார். தோற்றப் பொலிவோடு திகழ்ந்த செல்வி பார்கவி பரதன் புஷ்பாஞ்சலியை சங்கீரணசாப்லும், தில்லானாவை மிஸ்ரசாப்லும் தாளக்கட்டுப்பாடோடு வெளிப்படுத்தியவிதம் கலைஞர்களைப் பெரிதும் பரவசத்தில் ஆழ்த்தியிருந்தது. முருகப் பெருமான் மீதான அவர் ஆடிய வர்ணம், அபிநயமும், பாவமும், நடிப்பும் அனுபவம் மிக்கவர் போன்ற உணர்வை ஏற்படுத்தி ரசிகர்களை அனுபவிக்க வைத்தது. இணுவில் மண்ணிற்கு பெருமை தேடித்தந்த பிரம்மஸ்ரீ வீரமணி ஐயர் அவர்கள் இயற்றிய பாடலை ஸ்ரீமதி கிரிஜா ராமசுவாமி அவர்களின் இசையிலும்;;, லண்டனிலிருந்து சென்ற எம். பாலச்சந்தினின் மிருதங்கத்திலும், விநோதினி பரதன் அவர்களின் நட்டுவாங்கத்திலும் அவளின் பாதங்கள் பகிர்ந்துகொண்ட ‘பதத்தின்’ விதம் மக்களை லயிக்க வைத்தது.

வந்தவாசி.பிப்.18.  வந்தவாசி அரசுக் கிளை நூலகத்தின் நூலக வாசகர் வட்டத்தின் சார்பாக நடைபெற்ற உலகத் தாய்மொழி தின விழாவில், ஒரு இனத்தையும் அதன் பண்பாட்டையும் அழிந்து விடாமல் காப்பதில் அந்த இனத்தின் தாய்மொழியே முக்கிய பங்காற்றுகிறது என்று நூலக வாசகர் வட்டத் தலைவர் கவிஞர் மு.முருகேஷ் பேசினார். இவ்விழாவில் பங்கேற்ற அனைவரையும் நூலக வாசகர் வட்டச் செயலாளரும், நல்நூலகருமான கு.இரா.பழனி வரவேற்றார். வாசகர் வட்டத் துணைத் தலைவர் க.சண்முகம், பெ.பார்த்திபன், பா.சீனிவாசன் ஆகியோர் முன்னிலை வகித்தனர்.  ‘தாய்மொழியாம் தமிழ்மொழியில் கையெழுத்திடுவோம்’ இயக்கத்தை தமிழில் கையெழுத்திட்டு, வந்தவாசி ஒன்றியக்குழு உறுப்பினர் ம.சு.தரணிவேந்தன் துவக்கி வைத்தார். அவர் பேசும்போது, தாயைப் போற்றி பாதுகாக்காத சமூகமும், தாய் மொழியைக் கொண்டாடாத இனமும் முன்னேற முடியாது என்று பேசினார். மூத்தத் தமிழறிஞருக்கான பாராட்டு மேனாள் தமிழாசிரியர் க.கோவிந்தனுக்கு செய்யப்பட்டது.

கடந்த 3 ஆண்டுகளில் வந்த சிறந்த நூல்களை அனுப்பலாம். கவிதை, சிறுகதை நாவல், கட்டுரை, மொழிபெயர்ப்பு,ஆய்வு, நாடகம் அன்று அனைத்துப்பிரிவு (  பெண் எழுத்தாளர்களின் சிறந்த ) நூல்களையும் அனுப்பலாம். ரூ50,000 பரிசு வழங்கப்படும். 3 பிரதிகள் அனுப்ப வேண்டும். கடைசி தேதி :  15-4-2014

முகவரி:
அரிமா மு ஜீவானந்தம் இலக்கியப்பரிசு
பாலாஜி ரோடுலைன்ஸ்,
51/38, சரவணா தெரு,
அவினாசி சாலை,
திருப்பூர் 641 602

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

லண்டன் கீழைத்தேய பரீட்சைச் சபையின் பட்டமளிப்பு விழாவில் செல்வன் அகஸ்ரி ஜோகரட்னம் மிருதங்கத்தில் டிப்ளோமா பரீட்சையை மேற்கொண்டு தேர்ச்சி பெற்று ‘சங்கீத கலாஜோதி’ பட்டத்தினை பெற்றுக்கொண்டார். இசை நடனம், மிருதங்கம், வயலின், வீணை போன்ற நுண்கலைகளுக்கு ஐரோப்பாவில் அங்கீகரிக்கப்பட்ட தனித்துவம் மிக்க அமைப்பாக லண்டன் கீழைத்தேய பரீட்சைச்சபை 2008 ஆம் ஆண்டு தொடக்கம் இயங்கி வருகின்றது. ஸ்ரீமதி அம்பிகா தாமோதரம் அவர்கள் இந்த அமைப்பினை நிர்வகித்து வருகின்றார். கலையார்வம் கொண்ட அகஸ்ரி ஜோகரட்னம் தற்போது லண்டனில் வசித்து வரும் ‘மிருதங்க மேதை’ காரைக்குடி கிருஷ்ணமூர்த்தியிடம் தொடர்ந்தும் மேலதிக பயிற்சிகளை மேற்கொண்டுவருகின்றார்.  ‘அண்மைக்காலத்தில் நான் கலந்துகொண்ட மிருதங்க இசை நிகழ்ச்சிகளில் அகஸ்ரி ஜோகரட்னம் போல இத்துணை இளவயதில் அபூர்வமான இசைஞானத்தைக் காட்டிய ஒரு இளவலை நான் கண்டது கிடையாது. அவருக்கு இந்த இசைஞானம் இறைவன் அளித்த கொடையாகும்’ என்று பிரபல மிருதங்கவாத்திய விசாரத் பிரம்மஸ்ரீ ஏ.என். சோமஸ்கந்தசர்மா  அவர்கள் பாராட்டியிருந்தார்.
 

பாரிஸ் பெரு நகர மையத்தினுள் அமைந்திருக்கும் மண்டபத்தில் அரங்கம் நிறைந்த  மக்களை பார்த்தவுடன் ஆச்சரியமாகத்தான் இருந்தது. காரணம் நான் சென்றிருந்தது குடும்ப கொண்டாட்டத்திற்கோ, ஆண்டு விழாவுக்கோ, மதம் சார்ந்த நிகழ்வுக்கோ அல்ல. புலம்பெயர் வாழ்வில் எமது அடுத்த தலைமுறையினர்க்கு நாங்கள் யார் என்பதை அடையாளப்படுத்தும் வகையில் பிரான்ஸ் சிலம்புச் சங்கம் ஏற்பாட்டில் 19.01.2014 அன்று நடாத்தப்பட்ட எட்டாவது புலம்பெயர் தமிழர் திருநாள் நிகழ்வு. இந்நிகழ்விற்கு சிறப்பு அதிதிகளாக, புகழ்பெற்ற இலங்கைத் தமிழ் வானொலி தொகுப்பு அறிவிப்பாளர் பி.எச். அப்துல் ஹமீட், சுவீடன் கீழத்தேய மத வரலாற்றுத்துறைப் பேராசிரியர் பீட்டர் சல்க் ஆகியோர் கலந்து சிறப்பித்தனர். மங்கள விளக்கேற்றல், அமைதி வணக்கத்துடன் நிகழ்வுகள் ஆரம்பமாகின. அரங்க வெளி முற்றத்தில் அழகான கோலப் பின்னணியில் அடுப்பு வைத்து விறகிட்டு தீ மூட்டி மட்பானையில் பொங்கல் நிகழ்வு தொடங்க, குழுமியிருந்த கலைஞர்கள் பறையடித்து முழங்க ஆடல் பாடலாக வெளியரங்கம் களைகட்டியது. பாரீஸ் பெருநகர மையத்தில் முதற்தடவையாக நடந்த நிகழ்வாகையால் பெரும்பான்மையோருக்குப் இது புதுமையானதாக இருந்தது. திரும்பிய பக்கமெல்லாம் ஒளிப்படமெடுத்தபடி மலர்ந்த முகத்துடன் வருகைதந்தோர் காணப்பட்டனர்.

“மானுடப் பிரேமையே இலக்கியத்தின் ஆன்மா” என அறைகூவிய எழுத்தாளரும் ஊடகவியலாளரும் சமூகசெயற்பாட்டாளருமான அமரர் பிரேம்ஜி அவர்களின் மறைவையொட்டிய அஞ்சலிக் கூட்டம்: 17-02-2014 திங்கள் கிழமை பி. ப. 2:30 மணி ஸ்காபரோ சிவிக் சென்ரர் (150 Borough Dr,  Scarborough, Ontario M1P 4N7). தங்கள் வருகை மானுட விடிவுக்காகத் தமது வாணாளை அர்ப்பணித்த ஒரு மாமனிதனுக்கு வழங்கும் ஒரு மாபெரும் கௌரவமாகும். தயவுசெய்து தவறாமல் கலந்துகொள்ளுங்கள்!

’பிரேம்ஜி’ - நண்பர்கள்
416-627 6583; 416-832 5230

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

அவுஸ்திரேலியா தமிழ் இலக்கிய கலைச்சங்கம்  ஒழுங்கு செய்துள்ள அனுபவப்பகிர்வு    நிகழ்ச்சி  - எதிர்வரும் (பெப்ரவரி) 23 ஆம் திகதி ஞாயிற்றுக்கிழமை முற்பகல் 10.00 மணி முதல் நண்பகல் 1.00 மணிவரையில் மெல்பனில் - பிரஸ்டனில் அமைந்துள்ள டெறபின் இன்றர் கல்சரல் மண்டபத்தில் (No. 59 A, ROSEBERRY  AVENUE , PRESTON) நடைபெறும். தமிழ்   விக்கிபீடியாவில் பங்களித்தல் என்ற தலைப்பில் நடைபெறவுள்ள அனுபவப்பகிர்வு - பயிற்சிப்பட்டறையில் கலந்துகொள்ள விரும்பும் அன்பர்கள் தமது பெயர்களை எதிர்வரும் 20 ஆம் திகதிக்கு முன்னர் பதிவுசெய்துகொள்ளுமாறு கேட்டுக் கொள்ளப்படுகின்றனர்.  மதியபோசன விருந்தும் வழங்கப்படவிருப்பதனால் பெயர்பதிவு  எதிர்பார்க்கப்படுகிறது. இந்நிகழ்ச்சி இலவசம் என்பது குறிப்பிடத்தக்கது.

மேலதிக விபரங்களுக்கு:
முருகபூபதி - செயலாளர் , அவுஸ்திரேலியா  தமிழ்  இலக்கிய  கலைச்சங்கம்
தொலைபேசி:  04 166 25 766 
மின்னஞ்சல்: இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

காலம்:  (09.02.2014) ஞாயிறு பி.ப 3.00 மணி
இடம்: திருமறைக்கலாமன்றம்,
கலைத்துளது அழகியற் கல்லூரி
இல  128,டேவிற் வீதி யாழ்ப்பாணம்.           

வணக்கம் நம்முடைய கம்பன் கழகத்தின் ஏழாம் ஆண்டுப் பொங்கல் விழா15.02.2014 சனிக்கிழமை பிற்பகல் 14.00 மணிக்கு நடைபெறவுள்ளது.அதைக் குறித்த மடல் இணைத்துள்ளேன்.

அன்புடன்
கவிஞர் கி. பாரதிதாசன்
தலைவர் கம்பன் கழகம் பிரான்சு

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

[ஒரு பதிவுக்காக இந்த நிகழ்வு பற்றிய அறிவிப்பு பிரசுரமாகின்றது. 'பதிவுகளு'க்கு நிகழ்வுகள் பற்றிய அறிவித்தல்களை அறியத்தருபவர்கள் இறுதி நேரத்தில் அனுப்புவதைத் தவிர்க்கவும். - பதிவுகள் -]

26.1.2014  அன்று  சிங்கப்பூரில் எழுத்தாளர் மாதங்கியின் படைப்புகள் பற்றிய கருத்தரங்கும் நூல்வெளியீடும் நடைபெறுகிறது.  26.1.2014  அன்று  மாலை ஆறுமணியளவில், 100, விக்டோரியா சாலை, சிங்கப்பூர், தேசிய நூலகத்தில் ( ஐந்தாம் தளம்)  எழுத்தாளர் மாதங்கியின் படைப்புகள் குறித்து ஒரு கருத்தரங்கும் அதைத் தொடர்ந்து  அவருடைய  இரண்டு நூல்களும்  வெளியிடப்பட உள்ளன. முதல் நூல் , 2013 ஆம் ஆண்டுக்கான சிறந்த சிறுகதை நூலுக்கான  சிங்கப்பூரின்  அமரர் மு.கு இராமச்சந்திரா நினைவுப் புத்தகப் பரிசு பெற்ற 'ஒரு கோடி டாலர்கள்‘ என்ற சிறுகதைத் தொகுப்பு.நூல்  (சந்தியா பதிப்பகம்) அடுத்த  நூல் 62   நவீனக் கவிதைகளை  உள்ளடக்கிய ‘ மலைகளின் பறத்தல்’ என்ற அவருடைய    கவிதைத்தொகுப்புநூல் (அகநாழிகை பதிப்பகம்) . .  தேசிய கலைகள் மன்றம், கனடா இலக்கியத் தோட்டம் ஆகியஅமைப்புகள் வெளியிட்ட  தொகுதி நூல்களில் இவருடைய கவிதைகள் இடம்பெற்றுள்ளன. இவை அவருடைய இரண்டாவது சிறுகதை மற்றும் கவிதை  நூல்கள் ஆகும். இக்கருத்தரங்கில்  முனைவர் சுப. திண்ணப்பன் அவர்கள்,   எழுத்தாளர் மாதங்கியின் மரபுக்கவிதைகளைப் பற்றிப்பேசுவார்.

ஈழத்தில் பத்தொன்பதாம் நூற்றாண்டில் கவிசிரேஷ்டராக விளங்கிய சிவசம்புப் புலவரின் பிரபந்தங்கள் அடங்கிய “உடுப்பிட்டிச் சிவசம்பு புலவர் பிரபந்தப் பெருந்திரட்டு - தேவபாகமும் மானிடபாகமும் எனும் பெருந் தொகுதி வெளியீட்டு விழா. 2014ஆம் ஆண்டு தை மாதம் 5ஆம் திகதி அன்று உடுப்பிட்டி அமெரிக்க மிஷன் கல்லூhயில் அமைந்துள்ள பேராசிரியர் அழகையா துரைராஜா மண்டபத்தில் நகரபிதா வல்வை ந. அனந்தராஜ் தலைமையில் நடைபெற்றது.

மண்டபத்தில் நிகழ்வு ஆரம்பிப்பதற்கு முன்னதாகப் புலவர் இல்லத்திற்கு முன்னால் உள்ள யோகர் சுவாமிகள் போற்றிய துவாளிப் பிள்ளையார் ஆலயத்தில் விசேட ப10ஜை வழிபாடுகள் இடம்பெற்றன. பின்னர் அவ்வாலயத்திலிருந்து பிரபந்தப் பெருந்திரட்டு மதகுருமார்கள், சமயப் பெரியார்கள், அறிஞர்கள் இலக்கியவாதிகள், பல்கலைக்கழக மாணவர்கள், பாடசாலை மாணவர்கள், பொதுமக்கள் புடை சூழ மங்கள வாத்தியங்கள் சகிதம் புலவர் ஊஞ்சல் பாடிய வல்லைவாளிப் பிள்ளையார் ஆலயத்திற்கு ஊர்வலமாகக் கொண்டு செல்லப்பட்டு அதன் பின்னர் மண்டபத்திற்குக் கொண்டுசெல்லப் பட்டது.

அன்பு நண்பர்களுக்கு, வணக்கம்! எதிர்வரும் சனிக்கிழமையன்று (25.01.14) "உரையாடல்" ( கலை, இலக்கிய மும்மாத இதழ்) வெளியீட்டு நிகழ்வு ஸ்காபுரோ சிவிக்சென்ரரில் பிற்பகல் 3.30 மணிக்கு நடைபெறவுள்ளது. சமூக, கலை , இலக்கிய ஆர்வலர்களை  நிகழ்வில் கலந்து கொண்டு சஞ்சிகையின் வளர்ச்சிக்கு ஆதரவு தருமாறு வேண்டுகின்றோம். ஏற்கனவே இந்நிகழ்வினை 26.01.2014, ஞாயிறன்று நடத்துவதாக அறிவித்திருந்தேன். நிகழ்வுக்கான மண்டபம் சனிக்கிழமை கிடைத்தமையினால் நிகழ்வுத் தேதியில் மாற்றம் செய்யப்பட்டுள்ளது. மேலதிக விபரங்களுக்கு 647-972-3619 என்ற தொலைபேசி இலக்கத்தோடு தொடர்பு கொள்ளவும். நன்றி!
 
("உரையாடல்" , 647-972-3619)
இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

கனடா தமிழ் இலக்கியத் தோட்டம் வருடா வருடம் வழங்கும் இயல் விருது இவ்வருடம் (2013) திரு சு. தியடோர் பாஸ்கரன் அவர்களுக்கு வழங்கப்படுகிறது. இவர் தமிழ் எழுத்தாளர், தமிழ் திரைப்பட வரலாற்றாளர் மற்றும் சூழலியல் ஆர்வலர் ஆவர். இந்த விருதைப் பெறும் 14வது எழுத்தாளர் இவராகும். இதற்கு முன்னர் இந்த விருது சுந்தர ராமசாமி, வெங்கட் சாமிநாதன், ஜோர்ஜ் ஹார்ட், ஐராவதம் மகாதேவன், அம்பை, எஸ்.பொன்னுத்துரை, எஸ்.ராமகிருஷ்ணன், நாஞ்சில்நாடன்  போன்றவர்களுக்கு வழங்கப்பட்டிருக்கிறது. தாரபுரத்தில் பிறந்த சு.தியடோர் பாஸ்கரன்  சென்னை கிறித்துவக் கல்லூரியில் முதுகலைப்பட்டம் பெற்றார். நாற்பதாண்டுகளாக சுற்றுற்சூழல் பற்றியும், சினிமா பற்றியும் தமிழிலும் ஆங்கிலத்திலும் எழுதி வருகின்றார். உயிர்மை பதிப்பகம்  ‘இன்னும் பிறக்காத தலைமுறைக்காக (2006)’, ‘தாமரை பூத்த தடாகம் (2008)’ வானில் பறக்கும் புள்ளெலாம் (2011)  ஆகிய நூல்களைப் பதிப்பித்தது.  உல்லாஸ் கரந்தின் The Way of the Tiger என்ற நூலை ‘கானுறை வேங்கை’ ( காலச்சுவடு 2006) என்ற தலைப்பில் மொழிபெயர்த்திருக்கின்றார்.     காட்டுயிர் பற்றி இவர் எழுதிய The Dance of the Sarus (OUP) 1996இல் வெளிவந்தது.  சென்ற ஆண்டு பென்குயின் பதிப்பகம் இவரை தொகுப்பாசிரியராகக் கொண்டு The Sprint of the Blackbuck  நூலை 2009  இல் வெளியிட்டது. தமிழ்நாட்டில் மதிப்புறு காட்டுயிர் காவலராக பணியாற்றியிருக்கின்றார். இயற்கைக்கான உலக நிதியகத்தில் (WWF-India)  அறங்காவலராக உள்ளார்

நண்பர்கள் அனைவருக்கும் இனிய பொங்கல் நல் வாழ்த்துகள்!
 
இரு நிகழ்வுகள்

1. எனது புதிய மொழி பெயர்ப்பு நூல்
2008ல் நோபெல் பரிசுபெற்ற லெ கிளேஸியோவின் (Le Clèzio) தேதி 17-1-2014, சென்னை புத்தக கண்காட்சி அரங்கில் மாலை சுமார் 4 மணி அளவில் 'குற்ற விசாரணை' (Le Procès Verbal) என்ற பெயரில் காலச்சுவடு வெளியீடாக வருகிறது. முதற் படியை திரு பிரபஞ்சன் வெளியிட முனைவர் வெ.சுப. நாயகர், பிரெஞ்சு பேராசிரியர், காஞ்சி மாமுனி பட்டமேற்படிப்பு மையம், புதுச்சேரி, பெற்றுகொள்கிறார்.

2. எதிர் வரும் ஜனவரிமாதம் 20,21, 22 தேதிகளில் கோவை தமிழ் பண்பாட்டு மைய ஆதரவில் 'தாயகம் கடந்த தமிழ் ' என்ற பெயரில் உலக எழுத்தாளர்கள் மாநாடொன்று ஏற்பாடு செய்யப்பட்டுள்ளது, மூன்று நாள்கள் நடக்கும் கருத்தரங்கில் எழுத்தாளர்கள், கல்விப்புலம் சார்ந்தவர்கள் பங்கேற்கிறார்கள் இத்துடன் அழைப்பிதழ் இணைக்கப் பட்டுள்ளது. கீழ்க்கண்ட வலைத்தளத்தில் பிற தகவல்களை அறியலாம். http://www.centerfortamilculture.com/
 
வாய்ப்புள்ளவர்கள் இரு நிகழ்வுகளிலும் கலந்துகொண்டு சிறப்பிக்க வேண்டுகிறேன்.
 
அன்புடன், நா.கிருஷ்ணா
 
இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.