நீதியான தீர்வொன்று எட்டியதும், நடைபெற்ற அனைத்து அநீதிகளுக்கும் உரிய நியாயமான தீர்வுகள் வழங்கப்பட்ட பின்னர், தமிழர்கள் தாமாகவே முன்வந்து நாட்டின சுதந்திர தின விழாக்களில் பங்கு பற்றுவார்கள். அவ்விதம் நடைபெற வேண்டுமானால் , தென்னிலங்கையிலும் சரி, வட, கிழக்கிலும் சரி இனவாத அரசியலுக்கு முற்றுப்புள்ளி வைக்கப்பட வேண்டும் . அது மிகவும் அவசியம்.

மேலும் இலங்கைக்கொடி மீள உருவாக்கப்பட வேண்டும். ஆயுதத்துடன் கூடிய சிங்கக்கொடி இனவாதத்தையே தூண்டும். ஏனைய இன மக்களை அச்சத்துடனேயே நோக்க வைக்கும்.

நடைபெற்ற அநீதிகளுகள் அனைத்தும் ஏற்றுக்கொள்ளப்பட்டு , குற்றவாளிகள் தண்டிக்கப்பட்டு , யுத்தகாலச் சூழலால் பாதிக்கப்பட்ட அனைவருக்கும் (அவர்கள் எவ்வினத்தவராக இருந்தாலும்) உரிய நீதியும், நட்டஈடுகளும் கிடைக்கவேண்டும். அவ்விதமானதொரு நிலை ஏற்படாத வகையில் , அனைத்து இன அரசியல்வாதிகளும் இனவாத அரசியலைத் தமது ஆதாயங்களுக்காக முன்னெடுத்துக்கொண்டேயிருப்பார்கள். இந்நிலையில் அனைத்து மக்களுக்கிடையிலுள்ள முற்போக்கு சக்திகள் , மனச்சுத்தியுடன் தீர்வுக்கான விடயத்தில் ஒன்றிணைந்து, இயங்க வேண்டியதும் அவசியம்.

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.