- எழுத்தாளர் அலெக்ஸ் பரந்தாமன் -

எழுத்தாளர்கள் ஜோர்ஜ். இ.குருஷேவ், கற்சுறா ஆகியோர் நண்பர்கள் சிலரின் ஆதரவுடன் நிதி திரட்டி ரூபா 5 இலட்சத்தினை இலங்கையிலிருந்து செயற்படும் எழுத்தாளர் அலெக்ஸ் பரந்தாமன் (இராசு தங்கவேல்) அவர்களுக்கு வழங்கியிருக்கின்றார்கள். இதனை அமரரும் , தமிழ் மக்கள் ஜனநாயகி முன்னணியின் ஸ்தாபகர்களில் ஒருவருமான சின்னத்தம்பி சண்முகநாதன் நினைவாக வழங்கியிருக்கின்றார்கள்., நல்லதொரு முயற்சி. வாழ்த்துகள் அனைவருக்கும்.

இதனைத் தனிப்பட்டரீதியில் செய்வதை விட எதிர்காலத்தில் இலாபமற்ற அமைப்பொன்றை நிறுவி, அதன் மூலம் செய்வது மிகுந்த பயனைத் தரும் என்பது என் தனிப்பட்ட கருத்து. இல்லாவிட்டால் தொடர்ந்தும் குறிப்பிட்ட நண்பர்களிடம் இருந்தே நிதியை எதிர்பார்க்க வேண்டிய நிலை ஏற்படும். அமைப்பை நிறுவுவதன் மூலம் தொடர்ச்சியாக இலங்கை, இந்தியா போன்ற நாடுகளில் வாழும் எழுத்தாளர்களுக்கு உதவுவது இலகுவானதாக அமையும். ஜோர்ஜ், கற்சுறா இது பற்றிச் சிந்திக்கவும்.

இத்தகவலை 'ஆடி ஆடி' ஆவணியில் வெளிவந்திருக்கும்  ஆடி 'அபத்தம்' இணைய இதழிலிலிருந்து அறிந்து கொண்டேன். அபத்தம் இதழை வாசிக்க - https://www.thayagam.com/wp-content/uploads/2024/08/Apaththam19-.pdf