கனடா வாழ் யாழ்ப்பாணம் இந்துக் கல்லூரிச் சமூகத்தினருக்குத் தோழமை நிறைந்த வணக்கங்கள்,

ஜூலை 1 அன்று வருடந்தோறும் இடம்பெறும் யாழ்ப்பாணம் இந்துக் கல்லூரிச் சமூகத்தினரின் ஒன்றுகூடலும் விளையாட்டுப் போட்டிகளும், ஹாட்லிக் கல்லூரியின் பழைய மாணவர்களுக்கும் யாழ்ப்பாணம் இந்துக் கல்லூரியின் பழைய மாணவர்களுக்கும் இடையில் இடம்பெறும் கிரிக்கெட் போட்டிகளும் எமது சங்கத்தின் மரபாக இருக்கின்றன. மரபு இவ்வாண்டும் தொடர்கின்றது! இவ்வாண்டும் வழமைபோலவே திங்கட்கிழமை, ஜூலை 1, 2024 அன்று காலை 9 மணி முதல் Sunnybrook Park Cricket Ground இல் இந்த ஒன்றுகூடல் நிகழ்வு ஒழுங்குசெய்யப்பட்டுள்ளது.

வேனில் காலத்தில் யாழ்ப்பாணம் இந்துக் கல்லூரிச் சமூகம் என்கிற உறவுகள் கூடிக் கொண்டாடும் வேனில் கொண்டாட்டமாக அமையவுள்ளா இந்நாளில் யாழ்ப்பாணம் இந்துக் கல்லூரியின் பழைய மாணவர்கள், தமது குடும்பத்தினருடன் வருகைதந்து சிறப்பிக்குமாறு கேட்டுக்கொள்கின்றோம்.

இங்கே கொத்து ரொட்டி, BBQ போன்ற உணவுகள் பரிமாறப்படவிருக்கின்றன, ஒவ்வொரு பங்கு உணவிற்குமான உணவுச்சிட்டைகளை அவற்றிற்கான தொகையான $3.00 இற்கு மைதானத்தில் பணமாகச் செலுத்திப் பெற்றுக்கொள்ளலாம்.  மேலதிக விபரங்களுக்கான தொடர்பிலக்கங்கள்:
 
·  சேயோன் 416 602 4530
·  குகதாசன் 416 558 5939
·  சுதர்சன் 416 854 6768
·  அரவிந்தன் 416 843 6234

தோழமையுடன்

சுதர்சன் (அருண்மொழிவர்மன்)
செயலாளர், யாழ்ப்பாணம் இந்துக் கல்லூரிச் சங்கம் - கனடா

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.