அனைவருக்கும் 'பதிவுக'ளின்
இனிய  புத்தாண்டு வாழ்த்துகள்!

வாயுக் குமிழியென விண்ணில்
விரையுமோரற்பக் கோளொன்றில்
வாழுமொரு இருப்பில் கழிகிறதெம்
வாழ்க்கை.
கிரகத்தின் சுழற்சிகேற்பக்
கழியும் காலமும் சார்பானதே.
சார்பினில் சார்ந்திருக்கும்
வாழ்வில் வந்து பிறந்ததோராண்டு.
வந்த ஆண்டே! வருக! வருக!
வருக! வருக!  நீ வாழி!
இன்று புதிதாய்ப் பிறந்தாய்!
இன் ஆண்டே இங்கு நீ வருக! வருக!
இன்பம் எங்கும் தருக! தருக!
இருப்பிடம் பேணி
இனியும் வாழ்ந்திட
இன்று சூளுரைப்போம்!
என்றும் கடைப்பிடிப்போம்.
இன் ஆண்டே !
இங்கு நீ வருக! வருக!
இன்பம் எங்கும் தருக! தருக!
இன் வாசகரே!
இன்பம் நீர் அடைக! அடைக!