- 11/10/24 திருப்பூர் நற்பவி வாசகர் வட்டம் நடத்திய நூல்கள் அறிமுகக் கூட்டத்தில் கவிஞர் மதுராந்தகன் படித்த கட்டுரை -

 நெடுங்கவிதைகள் கூறிய இலக்கணத்தை உடைத்து புதிய  இலக்கணத்தை அமைத்துவிட்டார் சுப்ரபாரதிமணியன். நெடுங்கவிதைகள் என்றால் நீள நீளமாகத்தான் இருக்க வேண்டுமா . ஒரே பொருள் குறித்த குறுஞ்கவிதைகளாகக் கூட இருக்கலாமே என்கிறார் ..

 இதில்  ஆதிவாசிக் கவிதைகள் என்று பெயரிட்டவர் ஆதிவாசி ஆகவே மாறிவிட்டார். ஆதிவாசிகள் குரலில் அவர்களின் பிரச்சினையைப் பற்றிப்பேசுகிறார்.  92 கவிதைகளில் 92 பிரச்சனைகளின் உருவங்களைச் சொல்கிறார். இயற்கையோடு இணைந்து ஆனந்தமாக வாழும் ஆதிவாசிகளை அழிப்பதற்காகவே சிலர் சந்தன மரங்களை வெட்டுவதும் மிருகங்களை வேட்டையாடுவது ஆதிவாசிகளை அச்சம் அடைய வைக்கின்றன .சிங்கம் புலி பூனை எனும் விலங்குகளில் கார்ப்பரேட்டுகள் எந்த இனம் என்பதில் இவருடைய உள்ளத்து உணர்வை வெளிப்படுத்துகிறார் .யானை மிதித்து செத்தாலும் எங்களுக்கு சந்தோஷம் என்பது ஆதிவாசிகளின் ஒட்டுமொத்த உணர்வுகளும் வெள்ளையர்களும் , கொள்ளையர்களும் வேட்டையாடிவிட்டு மிருகங்களை மட்டுமல்ல  பொம்மக்கா மாதிரி பெண்களைச் சீரழித்தது எத்தனை எத்தனையோ பேரை .கார்ப்பரேட்டுகளுக்கு அரசாங்கமும் போலீஸ் முதலான பாதுகாப்பு உள்ளதால் அவர்கள் மரங்களை வெட்டி வளங்களை அழித்து கட்டிடம் கட்டவும் புதிய தொழில் தொடங்கவும் ஆதரவு கிடைத்தது .ஆகவே ஆதிவாசிகள் அவர்களை எதிர்க்கும் சக்தி அற்றவர்களாக வாழ்கிறார்கள் .

இந்த விஷயங்களை ஒரு கவிஞராக இல்லாமல் ஆதிவாசியாக மாறி அவர்களின் மன  மன ஓட்டங்களின் அடுக்குமுறையில் அழகான குறுங்கவிதைகள்  ஆகியிருக்கிறார் .இயற்கை அழிப்பு, கார்ப்ரேட்டுகளின் ஆதிக்கம், சுரண்டல் என பல்வேறு கோணங்களில் காட்டுவாசிகளின் குரல் இதில் பதிவாகியுள்ளது.  தொடர்ச்சியானக் குறுங்கவிதைகள் மூலம் அதை நெடுங்கவிதை என்று முத்திரையாக்கும் பாணியைக்கொண்டு வந்துள்ளார்.சுப்ரபாரதிமணியன் இது ஒரு புதுவகை நெடுங்கவிதைகள்  வகை; * ரசிக்க சிலது :

*.எட்டுக்குழந்தைக்கு தாய் நான் பொம்மக்கா
எட்டு என்ற எண்ணின் தலைப்பகுதிஉள்ளில் நான்
எட்டு எண்ணின் கால்ப்பகுதி உள்ளில் கணவன்.
எவ்வளவுதான் பார்வை மேய்ந்தாலும்
எட்டாது தூரமே நில்லடா மேஸ்திரி.
 
* மரத்தை மற்றவர்களுக்காய்
எங்கள் தாத்தாக்கள் வெட்டினர்.
எங்கள் பாட்டன்கள் வெட்டினர்
எங்கள் பூட்டன்கள் தாத்தாக்கள் வெட்டினர்
எங்கள் மகன்களும் வெட்டுகின்றன்ர்.
அரிவாள் கூர்மையடைந்து வருகிறது
எல்லோருக்கும்  தெரியும் தானே இது

*உன் குழந்தை அழுகிறது
என் கையில் இருக்கும் அழுக்குத் துணி மூட்டையிலிருந்து
எள்ளுரண்டையை எடுத்துத் தந்ததற்காய் முகம் சுளிக்கிறாய்.
இரண்டு வயது இருக்குமா உன் குழந்தைக்கு.
லேஸ், சிப்ஸ், பாண்டா என்று நீ அரை மணி நேரத்தில்
கொடுத்த்தையெல்லாம் பார்த்துக் கொண்டுதான் இருந்தேன்.
அதில் எதற்கு குறைந்து போய் விட்டது என் எள் உருண்டை.
உன் முகச் சுழிப்பிற்கு காரணம் அழுக்குத் துணியா, எள்ளுரைண்டையா
லேஸ், சிப்ஸ், பாண்டா சாப்பிடும் உன் குழந்தை 30 வயதில் எப்படியிருப்பான்.
கம்யூட்டர் என்சிஜினியர், பணக்காரன் என்றிருப்பான்
ஆரோக்கியமானவனாக இருப்பானா.
உன் முகச்சுளிப்பில் உதட்டு லிப்ஸ்டிக் தேய்ந்து விட்ட்து.
பஸ் வரும் நேரம்தான்.
என்னை சுலபமாகத் தவிர்த்து விடலாம் நீ.

இந்நூலில் அடுத்த பகுதியாய் அமைந்திருப்பது ” வெண்மையும் கருப்பும் –சுற்றுச்சூழல்-- என்பது.  சுப்ரபாரதிமணியனின் இந்த நெடுங்கவிதையில் ஏகாதிபத்திய எதிர்ப்பு மேலோட்டமாக தெரிகிறது, இதில் 150 சிறு கவிதைகள் .பல விஷயங்களை கூறி செல்கிறார் அவர் கூற்றுப்படி சுற்றுச்சூழல் அழிவைப்பற்றி அக்கறையோடு எழுதியிருக்கிறார் ,கார்ப்பரேட்டுகளின் சதிவேலைகளை ஒவ்வொரு கவிதையிலும் ஆழமாக  ஆழமான கருத்துக்கள் சிந்திக்க வைக்கிறார், பல கவிதைகள் பல கருத்துக்கள் ஒரு கவிதையில் கூறுகிறார் மண்புழுவை வாழவிடு பட்டாம்பூச்சியை பறக்கவேண்டும் யானையைப் பாடு.கவிஞனை எழுத விட வேண்டும் அப்போதுதான் புதிய கருத்துக்களை சிறந்த கவிதைகள் கவிதைகள் பிறக்கும் காலம் மாற்றம் நேரும்போது எழுத்தாளர்களின் படைப்பும் மாறும் என்கிற தொனியை வெளிப்படுத்துகிறார்

அந்த வகையில் நெடுங்கவிதைகள் என்ற வகையில் இந்த மாயாறு நூல் படைக்கப்பட்டிருக்கிறது பேச்சுக் கவிதையில் பல விஷயங்களைப் பேசும் சுப்ரபாரதி மணியனுக்கு படிக்கின்ற வாசகர்கள் ஆச்சரியமான முறையில் பார்க்க ஒரு நூலாக இது அமைந்துள்ளது .இரு நெடுங்கவிதைகள் இயற்கை சார்ந்தும் இயற்கை சார்ந்த ஆதி வாசிமனிதர்களின் உணர்வுகள் சார்ந்தும் அமைந்து இன்றைய சுற்றுச்சூழல் சிக்கல் காலத்தில் புதிய எதிர்ப்புக் குரலினைத் தந்துள்ளன.இவரின் 10 ஆண்டுகளுக்கு முன் வெளிவந்த மந்திரச்சிமிழ் என்ற கவிதைத் தொகுதியிலும் இந்த சுற்றுச்சூழல் அம்சங்களைக்காணலாம் .( ரூ 75., கனவு திருப்பூர் வெளியீடு   

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.