ஆஸ்டினின் வடக்குப் பகுதியில் ஒரு காலத்தில் ஸ்மோதர்ஸ் என்ற பெயரில் ஒரு நேர்மையான குடும்பம் வசித்து வந்தது. அந்தக் குடும்பம்  ஜோன் ஸ்மோதர்ஸ், அவரது மனைவி, அவர், அவர்களின் சிறிய மகள், ஐந்து வயது, மற்றும் அவரது பெற்றோர்  ஆகியோரை உள்ளடக்கியது.  ஒரு சிறப்பு பதிவுக்காக நகரத்தின் மக்கள்தொகையை நோக்கி கணக்கிடப்பட்டபோது  ஆறு பேராக இருந்தது.  ஆனால் உண்மையான எண்ணிக்கையில் மூன்று பேர் மட்டுமே இருந்தனர்.

ஒரு நாள் இரவு உணவிற்குப் பிறகு சிறுமி கடுமையான வலியால் பாதிக்கப்பட்டாள்.  ஜோன் ஸ்மோதர்ஸ் சில மருந்துகளைப் பெற நகரத்திற்கு விரைந்தார். அவர் திரும்பி வரவே இல்லை. சிறுமி குணமடைந்து காலப்போக்கில் பெண்ணாக வளர்ந்தாள்.

அந்தச் சிறுமியும் சரியான நேரத்தில் திருமணம் செய்துகொண்டாள். காலம் விரைவாக ஓடியது. அவளுக்கும் ஐந்து வயதில்  சிறுமி இருந்தாள்.

அவள் தந்தை சென்றபோதும், திரும்பி வராதபோதும் அவர்கள் குடியிருந்த அதே வீட்டில்தான் அவள் இன்னும் வாழ்ந்து வந்தாள்.

ஜோன் ஸ்மோதர்ஸ் காணாமல் போய்  ஓராண்டு நிறைவு நாளில் சிறுமிக்கு  இரவு கடும் வலி ஏற்பட்டது. அவர் உயிருடன், ஒரு நிலையான வேலையில் இருந்திருந்தால், இப்போது அவளுடைய தாத்தாவாக இருந்திருப்பார்.

சிறுமியின் தந்தை ஜோன் சிமித் "நான் நகரத்திற்குச் சென்று அவளுக்கு மருந்து எடுத்து வருகிறேன்," என்றார்.

"இல்லை, இல்லை, அன்பே ஜோன் ," அவரது மனைவி அழுதார். "நீங்களும் என்றென்றும் மறைந்து போகலாம், பின்னர் திரும்பி வர மறந்துவிடலாம்."

எனவே ஜான் ஸ்மித் செல்லவில்லை, அவர்கள் ஒன்றாக சிறிய சிறுமி பான்சியின் படுக்கையில் அமர்ந்தனர்.

சிறிது நேரம் கழித்து, பான்சி மோசமாகிவிட்டதாகத் தோன்றியது, மேலும் ஜோன் ஸ்மித் மீண்டும் மருந்துக்கு செல்ல முயன்றார், ஆனால் அவரது மனைவி அவரை மீண்டும்  அனுமதிக்கவில்லை.

திடீரென்று கதவு திறக்கப்பட்டது, ஒரு முதியவர், குனிந்து குனிந்து, நீண்ட வெள்ளை முடியுடன், அறைக்குள் நுழைந்தார்.

"ஹலோ, இதோ தாத்தா" என்றாள் பான்சி. மற்றவர்களுக்கு முன்பே அவள் அவனை அடையாளம் கண்டுகொண்டாள்.

முதியவர் தன் சட்டைப் பையிலிருந்து  மருந்துப் போத்தலை  எடுத்து, பேன்சிக்கு ஒரு கரண்டியளவு  கொடுத்தார்.

அவள் உடனே குணமடைந்தாள்.

"நான் கொஞ்சம் தாமதமாக வந்தேன்," "நான் ஒரு வீதிக்  காருக்காக காத்திருந்தேன்." என்றார் ஜோன் ஸ்மோதர்ஸ்.

                 - எழுத்தாளர் ஓ.ஹென்றி -

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.